ردت الفنانة ريهام حجاج، على الصورة التي نشرت من عقد قرانها القديم، في بيان عبر صفحتها الشخصية بموقع «إنستجرام»، وصفت فيه ناشريه بـ”التفاهة”.

وقالت ريهام في بيانها: «الناس التافهة اللي اجتهدت عشان تطلع صورة قديمة لكتب كتابي من مجلة وتنشرها على إنها شيء ممكن يضايقني أحب أقولهم إطلاقا!».

وأضافت: «كل محاولات التشويه اللي عمالة تحصل لواحدة اتجوزت على سنة الله ورسوله من راجل مطلق أصلا إن دلت على شيء فتدل على مرض النفوس ونصيحة للستات الفاضية.. مفيش راجل بيتسرق».

وتابعت: «الناس بتتجوز وتطلق عادي وكل شيء قسمة ونصيب وربنا اللي بيبقى كاتب ومقدر.. بلاش تفاهة ولو كل واحد طلع صورته من خمستاشر سنة حايلاقي شكله اختلف عادي خاصة صور الأفراح اللي فيها 3 كيلو ماكياچ  دا رسمة الحواجب بتفرق.. المهم الجوهر وأنا مفيش حاجة في حياتي ممكن اتكسف منها واللي حاصل دا ليس إلا تفاهة وحقد عشان دا جواز».

وأنهت كلامها قائلة: «اللي الناس بتباركلي عليه.. لا خبر بقضية قتل ولا فضيحة مخلة للآداب  كفاية هري وصحافة صفرا، طبعا الكلام دا للمرضى النفسيين أما كل الناس الطبيعية اللي باركتلي وفرحتلي ومعرفتش أرد عليهم من كترهم.. بشكرهم وبقولهم يا رب مسلسل كارمن يعجبكم يوم 10 فبراير على ال سي بي سي إن شاء الله».