كشفت الفنانة منة جلال عن تفاصيل الحالة الصحية للفنان فادي خفاجة، بعد تعرضه لحادث سير أثناء ظهوره عبر بث مباشر على حسابه في موقع “تيك توك” أثناء قيادته للسيارة.

و نشرت منة جلال على حسابها في Facebook تحديثًا يفيد بأن “فادى فى الرعاية المركرة تحت الملاحظة عشان يطمنوا على المخ لما العربية اتقلبت وهو الحمد الله فى تحسن”.

فادي خفاجة تعرض لحادث سير، حيث انقلبت سيارته أثناء مشاركته في بث مباشر عبر منصة تيك توك، وكشفت منة جلال عن هذا الحادث.

أعرب فادي خفاجة عن ندمه بسبب انهياره في بث مباشر، وذلك نتيجة عدم تقديم أعمال فنية له خلال الفترة الزمنية الأخيرة.

أدلى فادي خفاجة بتصريحات خلال مداخلة هاتفية مع الإعلامي تامر أمين في برنامج “آخر النهار” على قناة النهار “أنا مش قادر اقول حاجة غير اني كنت في لحظة ضعف وبرجوا الناس زي ما شايفين اني فنان أنا إنسان ولو رجع بيا الوقت مش هعمل الفيديو ومش عارف أنا عملته ازاي وانا بسعى بقالي كتير طول الوقت الناس بتقولي أنت فين احنا متربيين على ونيس”

وتابع “أنا لا حصلت فنان ولا انسان طبيعي وانا لو سبت الناس في حالي وقعدت لوحدي أنا معنديش إجابات وانا بتسأل السؤال دة في اليوم مليون مرة”

وأضاف “وكل الأساتذة الكبيرة اللي اشتغلت معاهم كانوا بيشكروا فيا ودة اداني امل وكنت بشوفه رسالة اني اقدم في المعهد العالي للفنون المسرحية واجتهدت واتخرجت بتقدير كل دة راح فين ولما تواجدت في مسلسل زي الاختيار كنت ضيف شرف ودة كان شرف ليا وانتظرت أن أبواب ربنا تتفتح”

وواصل حديثه قائلا “وبعد كل دة مفيش وانا مش عارف أنا مبشتغلش ليه واتحدى أن مخرج يقول اني أنا مبجيش في معادي، أو منتج يقول اني ناقشته في الأجر محصلش”

وبخصوص مقابلاته مع المخرجين للبحث عن عمل، قال: “سعيت وروحت قابلت مخرجين بدون استدعاء، وزمان كنا بنعرف نقابل المخرج. دلوقتي لازم تبعت على الإيميل وتاخد معاد، وحتى لو النظام ده كويس، بس أنا مش عارف أتواصل معاه، لأن وسط كل اللي بيتقدم، أنا مش هظهر.”

وأضاف: “أعز الزملاء وأكبر المواهب كلنا بنكلم بعض وبنسأل ليه مش بنشتغل، ولكن أنا بعتذر ومكنش ينفع اللي أنا عملته. لكن حصلت معايا حاجتين، جاتلي رسائل من أمام الكعبة ناس معرفهاش بتدعيلي وناس اخدت الفيديوهات وقطعتها، وأنا مكنتش متخيل أن ناس تعمل كدة.”

واعتذر فادي خفاجة مرة أخرى، قائلاً: “أنا كنت فاتح لايف وبهزر مع الناس، لكن كم التعليقات اللي كانت بتقوللي أنت مكانك مش هنا فهما داسوا على الجرح.”