تحدث الفنان ماجد الكدواني عن كريم عبد العزيز والصداقة بينهما وقال أنه سعيد لأن يكونا مثال عن الصداقة الحقيقية

قال الكدواني أثناء حواره مع الإعلامي عمرو أديب في برنامج “الحكاية” “كريم التعامل معاه صعب فلازم تسيب نفسك معاه هيحبك من قلبه وبيشتغل من قلبه حتى في الحياة، بني ادم لو مصدقش يبان على وشه”

وعن صداقته مع كريم عبد العزيز قال “عشرة العمر ومتفقين في حاجات كتير حابين المهنة من نفس الزاوية وعارفين أنها حاجة مقدسة ودايما بيقولي يا ماجد الاستاذ محمد عبد العزيز ربنا يديله الصحة ليه جمله حلوة بيقول احنا استلمناها كدة وهنسلمها كدة فكريم بيحترم اعراف المهنة وعنده نفس فكرة التدقيق”

وتابع “المهنة ليها أعراف وكريم بيحترمها وبعد تكريم كريم اللي يستحقه ويستحق اضعافه قالي أنا فرحان أننا بقينا مضرب مثل للصداقة الحقيقية وكنت بقوله هو غريبة ان صديق يفرح لصديقه أنا كنت فرحان اكني أنا اللي باخد الجايزة”

يشار إلي أن كريم عبد العزيز تم تكريمه من مهرجان القاهرة السينمائي الدولي في دورته ال43 والتي انعقدت في الفترة من 26 نوفمبر وحتى 5 ديسمبر.

الجدير بالذكر ماجد الكدواني يعرض له حاليًا مسلسل “موضوع عائلي” على منصة شاهد وهو من بطولة سماء إبراهيم، طه دسوقي، محمد شاهين، رنا رئيس وغيرهم نخبة من النجوم ومن إخراج أحمد الجندي.