أعلن الداعية الإسلامي مصطفى حسني أن الفنان تامر حسني غنى تتر برنامجه الجديد “الثمن” لرمضان 2021.

ونشر مصطفى حسني صورة مع تامر حسني، وعلق عليها كاتبا: “قال رسول الله ﷺ: “من لم يشكر الناس لم يشكر الله”.

وتابع: وأنا حابب أشكرك يا تامر يا صاحبي على أغنية تتر برنامج “الثمن”..
صوتك العذب وأداءك الصادق.. نعمة كبيرة عليك من ربنا
واللي أثَّر فيَّ يا صاحبي الغالي تواضعك واهتمامك وإقبالك على التعاون علشان نقدم محتوى فيه قيمة مُضافة للعقول والقلوب والأرواح..
تِسلم وتعيش يا صديقي”.

ورد عليه تامر حسني كاتبا: “يا مصطفى يا حبيبي انا اخدمك بعينيا و انا و صوتي تحت امرك في اي وقت
أنا اللي بشكرك من كل قلبي عشان سمحتلي اكون جزء بسيط من الخير و العلم اللي بتعلمه للناس و لكل اولادنا ، ربنا يقدرك و يستخدمك دايماً في توحيد الناس بمختلف افكارهم و كل سنه و كل يوم تكون سبب في هداية ناس اكتر ، سلام كبير جداً لمتابعينك الكرام
و اتمنى من كل متابعيني الكرام متابعة مصطفى في جميع الاحوال بيا او منغيري لإننا كلنا فعلاً محتاجين نفهم حجات كتير بيقدمها مصطفى بأجمل و أرقى شكل و طريقه و مصطفى خير من يتكلم في الإيجابيات اللي يفهمها و يحسها اي شخص و فعلاً بيصحح مفاهيم اغلبنا ممكن يكون فاهمها غلط ، و انا شخصياً من اشد محبين مصطفى و من اشد متابعينه في كل برامجه ،ربنا يقدرك يا أملنا الجميل 🤲🏻و يعينك و يقويك بقدر مكانتك العظيمه في قلوبنا ، كل سنه و انتوا طيبيين و رمضان كريم على الجميع”.

يذكر أن تامر حسني سيقدم أكثر من ٨ أعمال غنائية، منها التتر كلمات سارة سعيد وألحان هيثم نبيل وتوزيع فهد، كما سيقدم أكثر من ٧ أعمال غنائية متعلقة بالدراما في المسلسل، كتب كلمات معظمها الفنان هيثم نبيل ولحنها فيما شارك في كتابة ٢ كريم سامي
وواحدة من كلمات ساره سعيد وجميع التوزيعات للموزع الموسيقي فهد.

أما الموسيقى التصويرية للعمل فهي من تاليف الموزع الموسيقي محمد العشي.