أعلن الفنان محمد أنور نجم مسرح مصر، عن خضوعه لعملية جراحية دون الإفصاح عن أي تفاصيل مُتعلقة بها.

وكتب أنور عبر حسابه الرسمي بموقع وتطبيق Facebook:”اي واحد في العادي لما بتسأله ايه من نعم ربنا نفسك تكون عندك اغلب الناس بيتمني نعم كتير، وقليل اللي بيفكر في اهم نعمة وهي نعمة الصحة”.

وتابع:”للاسف دي النعمه الوحيده اللي مابتفكرش فيها غير لما يجيلك مرض او تعمل عمليه ساعتها بتلاقي ابسط الاشياء اللي كنت بتعملها عادي زي دخول الحمام او النوم بقي حلم من احلامك وساعتها بتتمني من ربنا زوال كل النعم اللي عندك بس ترجعلك صحتك، معلش مش قصدي ابقي عميق والله”.

وأنهى أنور كاتباً:”بس اصل انا عملت عمليه صغيره اوي واتعلمت منها كتير اوي، فقولت اكتب الكلام ده عشان لما ابقي كويس وانسي النعمه دي الفيس بوك يفكرني”.

من ناحية أخرى، يُعرض حاليا مسلسل “إسعاف يونس” لمحمد أنور يومي الأربعاء والخميس من كل أسبوع على منصة Watch It ويشاركه البطولة الفنانة سارة سلامة وهناء الشوربجي ومنة عرفة ومحمد علي رزق وعدد من ضيوف الشرف منهم أمير كرارة وأحمد فهمي وعبير صبري ومحمد عبد الرحمن ومصطفى خاطر وصلاح عبد الله ومحمود البزاوي وكريم محمود عبد العزيز خلال الحلقات القادمة، والعمل من إخراج معتز التوني.