اخبار السينما و الفنالبوابة الأخبارية

ياسمين عز تكشف عن إتيكيت معاملة الرجل

كشفت مقدمة البرامج ياسمين عز عما أسمته “إتيكيت التعامل مع الرجل” في خلال حلقة الجمعة 23 ديسمبر الجاري من برنامجها “كلام الناس”.

قالت ياسمين عز: “في حاجة اسمها إتيكيت التعامل مع الزوج، لأن الرجل نعمة من ربنا زي الأكل والشرب وهو أحسن كمان، هذه النعمة لها إتيكيت زي ما فيه آداب التعامل مع الطعام فيه آداب للتعامل مع الزوج”.

 

وتابعت قائلة: “لو بتتكملي مع صاحبتك أو مامتك وزوجك جه فورا تقفلي علشان الفرعون الكبير وصل، كده تأسريه لأنه لازم يحس أن دخوله ليه هيبة ووضع، حتى لو هتروحي تقوليله نورت بيتك حمد لله على السلامة، زي ما كنا طلاب والمدرس يدخل الفصل كنا بنقفله، زوجك أحسن من المدرس، اللقطة واللفتة البسيطة دي هتأسريه بيها حتى لو هتطلي من باب المطبخ وترجعي لحلة المحشي، لكن لازم يبان له إن فيه إحساس، ولو مدياله ضهرك لفي وشك على طول وسيبي الحاجة اللي في إيدك”.

 

وأضافت: في ستات تعرف جوزها من أدائه في فتح باب البيت لو فاتح براحة معناه أنه جاي هادي، لو متعصب الزوجة بتحس وبتقول جوزي راجلي فيه حاجة وتسأله مالك يا حبيبي، يقول لها سيبني أخد شاور وهحكيلك وتروح تعمل له كوباية شاي أو قهوة، عارفة المشكلة اللي في الشغل مجرد ما يحكيها ويفضفض وأنتي سمعاه بكل جوارحك، في علم النفس بيهدى ونص المشكلة تكون اتحلت، وبده تكوني حليتي 50 في المية من مشكلته في شركته الكبيرة اللي فيها حكايات وروايات.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى