سلطة التونة على الطريقة اليونانية

هنعمل النهارده سلطة التونة بطريقة مختلفة وبسيطة لكل اللي طلبوها مننا، وكمان تقدري تقدّميها لعيلتك في شم النسيم كطبق جانبي مع الفسيخ والرنجة..

سلطة التونة على الطريقة اليونانية
المقادير:
2 علبة تونة
2 ثمرة طماطم متوسطة مقطّعة مكعبات
2 ثمرة خيار متوسطة مقطّعة مكعبات
½ كوب جبنة فيتا مقطّعة مكعبات
جرجيرأو بقدونس مقطّع صغير
ملعقة صغيرة أوريجانو مجفف
2 ملعقة كبيرة زيت زيتون
¼ كوب زيتون أسود
2 ملعقة كبيرة خل
ملح وفلفل أسود

الطريقة:
1- فتتي التونة وحطّيها في طبق، وضيفي بعد كده عليها الخيار والطماطم والجرجير والزيتون والجبنة الفيتا.

2- اخلطي زيت الزيتون مع الخل والأوريجانو في طبق تاني وتبّليه بكمية ملح وفلفل مناسبة، وضيفيه بعد كده على خليط التونة وقدّميه في أطباق التقديم.. وبالهنا والشفا.

استنونا كل يوم مع وصفات جديدة..
سلام،،،