سنايب وهو 21 سنه كان عنده من العشم والراحه النفسيه تجاه فولدي اللي يخليه يعترفله بـحُبه لـ لي لي ويطلب منه يعفي عن حياتها ، و لي لي مكنتش أي وآحده دي ماجل بورن ( من العوام ) ومن أقرب الناس لدمبلدور!
الأغرب من كده إن فولدمورت وافق فعلاً ، ع الاقل في البداية وفعلاً لما راحلها طلب منها تتنحى وتهرب وهي اللي رفضت!
هو أه فولدي محاولش كتير بس من إمتى أصلا كان بيحاول علشان حد ؟ وخصوصاً زي ما قولنا إنها كانت ماجل بورن يعني بتطعن في قضيته الرئيسيه وهي أنه يخلي العالم السحري كله بيور.
اعتقد ان فولدي كان بيشوف نفسه في سنايب ، الإتنين كانو هجين من أم ساحره واب من العوام والاتنين محدش راعاهم وهما أطفال ، ولولا إني بتكلم عن فولدمورت وسنايب كنت قولت ان علاقتهم أقرب لأب وابنه ، بس يعرفوا إيه دول عن الروابط الأسرية!
