سميرة سعيد توجه رسالة الي رونالدو

عبرت الفنانة سميرة سعيد عن سعادتها بفوز منتخب بلادها المغرب، على نظيره البرتغالي في الدور ربع النهائي من بطولة كأس العالم، فيفا قطر 2022.

وأوضحت في رسالة صوتية لبرنامج “et بالعربي” أنها ترى انتصارات منتخب المغرب في بطولة كأس العالم بمثابة مصدر للفرحة لكل العرب.

وأضافت: “مش قادرة أشرح شعوري بالفرحة، أنا رحت قطر شفت مباراة المغرب وأسبانيا من الاستاد، وصوتي اتحاش من كتر الفرحة والتشجيع والإعجاب والدهشة والمشاعر المختلطة”.

وتابعت سميرة سعيد حديثها عن منتخب المغرب قائلة: “يمكن لأول مرة دولة عربية ومنتخب إفريقي يوصل للمرحلة دي، حاجة مش سهلة، فلقتني عمالة بتنطط مع شادي، صاحباتي كلهم كانوا معانا، فكلنا كنا في حالة من السعادة”.

وكشفت عن سعادتها بتضامن الجمهور العربي مع أسود الأطلس، قائلة: “كل الدول العربية ملتفة حوالين المنتخب ده وبتسانده وتشجعه وتحس أنها جزء من هذا الفريق، ويتابعوا تفاصيل حياتهم وإزاي بارين بوالديهم، وإزاي وليد الركراكي بيتعامل معاهم”.

وأكدت سميرة سعيد: “الناس بقت مشغولة بنجاح المنتخب ده، وده شيء رائع، وكل ما تنتصر تحس بانتصار شخصي، ده انتصار لبلدهم للوطن بشكل عام، وده إحساس محستوش قبل كده، لأن انتصار المرة دي أكبر من أي مرة”.

وتطرقت سميرة سعيد للحديث عن كريستيانو رونالدو قائد منتخب البرتغال الذي دخل في نوبة بكاء عقب الهزيمة من منتخب المغرب، موضحة: “أنا بحب رونالدو، لكن مشاعري وحبي وإحساسي وحياتي كلها مع المغرب، طبعا الكل بيحترم رحلة رونالدو، لأنه من أعظم اللاعبين في العالم، وخلاص معلش، هارد لاك”.

وأردفت: “طعم الهزيمة مر، خصوصا أنه وصل لمرحلة سنية ممكن يكون ده أخر كاس عالم بالنسبة له، وكان عنده أمل ينهي حياته الكروية بشكل أحسن من كده، لكن النهاردة الحقيقة زعلوك شوية”.