تحدث المخرج بيتر ميمي عن الصعوبات التي واجهته في مسلسل “الاختيار 1و2” موضحا قلقله وخوفه من فكرة تقبل الجمهور لعمل يوثق مرحلة مهمة بطريقة درامية.
كان ذلك خلال الحلقة النقاشية التي أقيمت ظهر اليوم ضمن فعاليات الدورة الـ43 من مهرجان القاهرة السينمائي الدولي، تحت عنوان “مقدمة لنوع جديد أحدث ثورة في الدراما الرمضانية”.
وقال بيتر ميمي: “القلق موجود من أول الاختيار 1 وفي الجزء التاني، مطلوب مني أعرف حصل إيه لأنه دوكيودراما وهو توثيق للمرحلة وكنا خايفين ومش عارفين الناس هتقبل ده ازاي دخول الأرشيفية مع الدراما”.
وأوضح أنه لم يكن يتعامل مع المسلسل على أنه درامي بل هو عمل توعوي، مؤكدا أن هناك بعض المعلومات لم يكن يعرفها تفاجأ بها خلال التحضير للمسلسل، مؤكدا أنه قدم الواقع كما هو وكان يصور كما لو كانت كاميرا مراسل وكان تحديثا بالنسبة له قائلا: “احنا مش بنتعامل معاه على أساس أنه درامي هو عمل توعوي واحنا بنترجت الأجيال الجديدة عملنا الواقع زي ما هو وصورنا زي كاميرا مراسل وده كان تحدي لأننا كنا خايفين الناس تقول معملتوش برنامج ليه”.
وتابع “الاختيار أول عمل بيتكلم عن ماذا يحدث في سيناء وفتح نوع الدراما السياسية الحربية التي أصبحت موجودة في العشر سنين الأخيرة وكل فترة محتاجين الناس تفهم إيه اللي حصل في الفترة دي والتقنية في التنفيذ لازم تبقى كويسة والدولة ساعدت في ده مساعدة مش طبيعية لانه مش مسلسل هو مشروع للبلد ومش هنسى الأطفال يوم العيد بعد الاختيار 1 ولقيت صور منسي على المجات والتيشرتات والأطفال بيشتروهم فكده خلاص الرسالة وصلت لأن الدراما مش هتبقى زي الأخبار فالناس حست أننا عايشين في أمان بسبب الناس دول واحد صاحبي قالي أنا اكتشفت أني بدخل اشرب قهوتي لأن زكريا واقف برة”.
وشارك في الندوة الفنان إياد نصار والمؤلف هاني سرحان وأدارها الإعلامي عمرو عبد الحميد، وكان على رأس الحضور الدكتورة إيناس عبد الدايم، وزير الثقافة ومحمد حفظي رئيس المهرجان، وبشرى وأحمد شاكر عبد اللطيف وعدد من النجوم.
راديو مصر علي الهوا