كلمات اغنية إيفل – موسم الضباع 2023
وكلمة حق من الاخر بقي وعلي الله من غير معلش هطول عليكم شويه ولازم تقرو الكلام دا احنا ولا فيديوهاتنا ولا اغانينا اللي بنحاول نترجمها ب اكتر من لغه دي هنعرف نعمل بيها حاجه احنا بنحاول نشرح لشعوب تانيه وناس تانيه حقيقة الأمر وإن اد ايه فلسطين دي متهانه وان اد ايه العدو القذر دا مستبد واصلا ٩٥ %من العالم اذا مكانش ١٠٠٪ عارفين الحقيقه كويس الموضوع بقاله اكتر من ٧٠ سنه وطلعنا وعملنا مظاهرات ف الشوارع والجامعات وتضامنا ولبسنا شيلان وزعقنا وخرجنا من البيوت كل دا فاد ب ايه ولو كان هيفيد كان حل المشكله دي من زمان الموضوع دلوقتي اكبر من كلمتين بيتكتبو علي السوشيال ميديا او فيديوهات بنصورها او شوية رز وسكر وميه بنحاول نبعتهم ومش عارفين الموضوع اكبر بكتيييييير انا وانا بكتب الكلام دا في الدقايق دي دلوقتي في ناس بتموت ( في دوله بتتشال من ع الخريطه ) واحنا ف التوهان ومع الهوجه الناس بتزعق تزعق الناس تسكت نسكت الناس دعمت ندعم وخلونا احنا في الخطابات والشعارات بتاعتنا و والله مش هوا دا اللي المفروض يحصل وبعدين حرية ايه اللي عايزينها لفلسطين اقسم بالله احنا اللي محتاجين نتحرر احنا اللي محتاجين حد يدعمنا الناس دي في مقام تاني عند المولي عز وجل … احنا محتاجين نضغط علي الحكام بتاعتنا يسمعونا نقولهم انهم لازم يتدخلو لازم يبقي في حسم للموضوع ما هو اصل يعني ايه مفيش رئيس عربي مسلم يقدر يطلع يقول ان اللي بيحصل في فلسطين دا لو منتهاش في خلال ساعات هيتم التدخل بشكل صريح يعني ايه مبيحصلش وليه خايفين علي الشعوب ؟ خايفين علي الاقتصاد ؟ خايفين علي العلاقات ؟ خايفين علي العقود اللي بينكو وبينهم طب والعقود اللي بيننا وبين ربنا كا مسلمين وحرمة قتل النفس بغير نفس للدرجادي العقد اللي بينا وبين ربنا اضعف من العقد اللي بيننا وبين اسرائيل وعلاقاتنا مع الامريكان والله حسبي الله ونعم الوكيل انا مش هقول زي ما قولت ف التراك افتحو الحدود ومش عارف ايه لا الجمل دي جمل بتتقال من قلة الحيله والعجز والغل اللي جوانا .. انما احنا عندنا جيوش و عندنا سلاح وعندنا مال احنا عندنا قوه بشريه تقف وعندنا ناس مؤمنه واقفه علي اشاره وبعدين إسرائيل ايه وخرا ايه وزفت ايه الناس دي صدرتلنا الوهم ب ان هما القوه التي لا تقهر وان هما السلاح والتطور وإن وإن واحنا بلعناها عشان اغبيه علشان نسينا ربنا ونسينا اياته ونسينا (واعتصمو بحبل الله ولا تفرقو ) هما لما بيحصلهم حاجه مبيسيبوش بعض بيدعمو بعض بالمال والسلاح وعلي السوشيال ميديا وبالخطابات واي وسيلة دعم لدرجة الترهيب خلوك مش قادر تشوف انك تقدر تعمل حاجه بسبب كل دا الخوف والوهم بيزرعوه ف دماغنا وقلوبنا من زمن الزمن واحنا عشان الجهل وقلة الايمان صدقناه مع ان ف الاصل الكلاب دول بيجرو من شوية حجاره واخواتنا ف فلسطين بيشخخوهم علي روحهم ب اقل الامكانيات احنا بس اللي ضعفنا والجبن اتملك مننا وبقينا مقرفين وقيمتنا مبقاش ليها اي قيمه ومفيش كرامه ولا نخوه ولا دين ولا غيره علي اهالينا ولا حتي انسانيه مفيش اي حاجه بقت بتحركنا وسايبين بعض وكارهين بعض وكله بيدور علي مصلحته الشخصيه حسبي الله ونعم الوكيل في حكامنا العرب وفي كل شخص عربي مسلم بيتهاون في الموضوع دا او بيحاول يضيع حق الناس دي حتي لو بالكلام الله غالب عليكم وشاهد عليكم وهيقتص منكم يوم القيامه وحسبي الله ونعم الوكيل في اللي بيشاركو ف الدم دا بطريقه غير مباشره حسبي الله ونعم الوكيل اللي بيعملو مهرجانات ومواسم وحفلات وبيغمضو عينهم عن القتل والدم حسبي الله ونعم الوكيل اولآ وأخيرآ.. واللهم إني أشهدك أني برئ من السكوت ولو كان باليد حيله ما تأخرت … وانا لله وان اليه راجعون