قصة حبيبتي من الجن … سلسلة ليله من الرعب

انتي مجنونه اتجوزك ازاااي ؟!!!!

إنتي بتقولي أي كلام وخلاص

قالت..وايييه يمنع جوازنا

….ايييه يمنع كل حاجه تمنع إنتي جنس وأنا جنس إحنا مختلفين عن بعض في كل حاجه

الحوار دا كان آخر حوار بينا قبل ماتتحول حياتي لجحيم مطلق

…………………….

أنا إسمي خالد عندي عشرين سنة بدرس في كلية العلوم بجامعة القاهرة ودي حكايتي…..

…………….

اصحي يابني بقاااا

حرام عليك كل يوم اصحيك بالعافيه كداااا

……خلاص ياماما بقاا اطلعي أنا صحيت

…والله لو ماوقفت على دماغك ما انت صاحي قوووم بقا اتأخرت يابني على الكليه…

ودا موال كل يوم بيني وبين أمي أنا من عادتي إني كسوول شويه وبحب النوم اووي…. ليييه مايخلوش التعليم من البيت ويرحمونا من أم الصحيان بدري داا

المهم وبعد معركه مع أمي وأخواتي البنات ااااه عندي 3اخوات بنات أكبرهم هند وبابا متوفي الله يرحمه وأنا الولد الوحيد أمي بتبعتهم ويبدلوا عليا لحد ما اصحي بالعااافيه

…ارتحتي ياماما اديني صحيييت

…صباح الخير يا روح قلب ماما

…صباح الخير يا أحلي أم

…..هند..ياسلاااام على دلع

….بس يااابت اسكتي حسابكم كلكم بعدين لما اجي ماااشي

وبعد هزار وضحك مابيني وبين اخواتي وأمي بلبس وانزل بقا أستعد للمعركه بتاعت كل يوم المواصلات وما ادراك ما المواصلات في مصر الدنيا بتكون زحمه وزي الفل الواحد بيحارب علشان يركب عربيه ويلحق ميعاد الكليه

المهم زي كل يوم والحمد لله وصلت متأخر

الدكتور…يااابني أنا زهقت منك انت كل يوم جاي متأخر

….معلش يا دكتور المواصلات والله السبب

الدكتور..يابني ما كل زمالاتك بيجوا مواصلات أنا نفسي باجي مواصلات!!!

…معلش أصل أنا من منطقه بعيده شويه

الدكتور.منطقه بعيده بردووو ولا كسلي ومش عاوز تصحي

عموما أدخل ولو اتكررت مش هادخلك

……مواال كل يوم وبدخلني

.الدكتور ..نعمم بتقول حاجه

……لاااا بقول متشكر

احمد صاحبي..ابقي نام بدري

….ياااعم اسكت إنت كمان أنا ناقصك

وعدي اليوم لكن في اليوم دا كان فيه محاضرات كتير وفي الغالب كنت بتأخر لما أرجع للبيت

وفي اليوم إلى تغيرت فيه حياتي بشكل كبير وبدأت حكايتي

الجو قلب مره واحده معلن عن عاصفه كبيره وأجواء ممطره

خلصت وأنا مروح الجو أطلق العنان للشتاء بغزاره

الأمر إلى جعل وصول العربيه لمنطقتنا صعب لان المنطقه عندنا كانت مش مرصوفه ومنخفضه فكانت بتتملي مايه من أثر المطر فتمنع حركة السيارات فيها

المهم نزلت من العربيه وكملت مشي كانت الدنيا أظلمت والحركه قلت من الناس بشكل كبير

وأنا ماشي لفت انتباهي بنت واقفه بجانب عامود اضاءه وبترتعش من البرد

في البدايه

قلت يااعم إنت مالك امشي وكبر دماغك

لكن رجعت قلت يابني إنت عندك أخوات بنات مش هاتخسر حاجه لو سألتها إذا كانت محتاجه حاجه

اتجهت ليها وكلمتها من ظهرها

قلت.. يا آنسه إنتي فيه حاجه عاوزه حاجه اعملهالك

لفت ناحيتي وأول عنيها ما جت في عنيا حسيت إن قلبي اتخطف من شدة الجمال إلى شوفته قدامي

عنيها كأنها سحرتني من شدة صفائها كانت فتاة من أجمل مارأت عنيا أنا وقفت للحظه أتأمل فيها وفي جمالها

قالت… أنا كنت في الكليه والعربيه نزلتني هنا وخايفه أروح لوحدي ساكنه في مكان بعيد

قلت برجاء إنها توافق..طيب ينفع اجي اوصلك إنتي زي أختي

وأول ما هزت رأسها ووافقت حسيت بسعاده كبيره

وفعلاً اتجهت لتوصيلها لمنزلها

وأحنا ماشيين

كان الفضول واخدني إني أفتح معاهااي موضوع

خصوصاً أنها كانت ماشيه ساكته

….هو إنتي أسمك إيه..

…إسمي ساندرا

…الله أسمك حلو اوي

….وانت اسمك خالد صح

…ايييه عرفتي إزاي؟!!!

….أنا زميلتك على فكره وبشوفك في الكليه

…بجد إنتي زميلتي أنا وتعرفيني

….اااه

بإرتباك وتلعثم في الكلام قلت..بس أنا أول مره أشوفك

قالت.. أصل أنا في حالى مابحبش اختلط بحد

ودار بينا حديث طويل اتعرفنا فيه على بعض واتكلمنا تقريباً في كل حاجه

ماكنتش حاسس بأي حاجه حواليا حتى المطر إلى عمال ينزل على دماغي وغرق هدوومي

لحد ما وصلنا مكان بعيد استغربته

وقلت..عندك حق تخافي فعلاً دي منطقه بعيده ومهجوره أوي

شاورتلي على قصر كبير ما فيش غيره في المنطقه كلها

وقالت..دا بيتنا

وقفت بدهشه وقلت..ياااه دا قصر كبير اوووي يا ساندرا

بس ايه إلى جابكوا في المنطقه المقطوعة دي

قالت.. إحنا كدا بنحب نكون بعيد عن الناس

قلت..اااه ااحسن بردو البعد عن الناس غنيمه

…أنا بابا واقف على السلم هناك أهو مستنيني

وبلهفه قلت..طيب مش هاشوفك تاني

….لاا طبعاً هنتقابل كتير بعد كدا إحنا بقينا أصحاب ولا اييه

….لا طبعاً هو أنا اطوول

طيب إزاي؟!!

..بكرا بليل في نفس المكان

…طيب ماينفعش في الكليه

…لااا الكليه لاااا قلتلك أنا في حالي مابحبش حد يتكلم عليا

….طيييب

….تعالا اعرفك على بابا

ومشيت معاها لحد ما وصلنا أول القصر وقربنا من ابوها

مديت أيدي أسلم عليه لكن هو ماحركش ايده ناحيتي

وقفت مستغرب لولا تدخل ساندرا

….بابا دا خالد زميلي وشاب شهم وحكت لي على إلى حصل

لكن كان وشه جااامد اووي وحسيت بسخونه جايه من ناحيته

شكرني بجمود وطلع وطلب منها تحصله

….وقفت معايا لثواني

قالت..خالد ماتزعلش من بابا هو جد شويه

قلت..واضح يا ساندرا عادي يالا اطلعي

طلعت بسرعه واشارت بايدها بكرااا هاااا

…ابتسمت وقلت حاضر

توضيحها ليا عن جدية أبوها نستني الريبه إلى انتابت قلبي من ناحيته

لفيت وقلبي كله سعاده

لكن الغريب لما رجعت بنظري ناحية القصر مره تانيه لقيت الأضواء إلى كانت بتشع نور من ثواني لقيتها بتظلم بشكل ملفت ومريب

ومن بعيد كأن مافيش قصر في المكان دا من شدة الظلام

المهم روحت على البيت لكن شكلى غير كل يوم سبق في حياتي

قلت معقووله هو دا الحب إلى بيقولوا عليه من أول نظره

أنا شاب عندي عشرين سنة لكن عمري ما حسيت الاحساس داا كأن الدنيا في لحظه بقت حلوه اوووي

دخلت البيت

هند…باااين عليك مبسوووط ياواااد

ماما..سيبيه يابت في حاله

هند أختي كانت اصغر مني بسنه واقرب حد ليا

….لااا مش هاسيبه دا الموضوع فيه مزززه

قلت..سيبيني في حالي

ودخلت اوضتي وقعدت سرحان في الإحساس إلى طرأ غليا من غير ميعاد دا

قاطع سرحاني

هند..وكمان سرحان أنا قلت الموضوع فيه مززه

قلت.يابنتي اطلعي بقااا

…..لااا الغرام باين في عنيك احكيلي

معرفش حبيت فعلاً أحكي إلى جوايا احساس الحب دا حلو أوي

فضلت طول الليل أفكر فيها وفي شكلها وابتسامتها وبعيد كل كلمه وتعبير لوشها في مخيلتي

وتاني يوم اتكرر الموضوع وبقيت كل يوم اقابلها لحد مافي يوم

ساندرا.. أنا عاوز اقولك على حاجه

قول.انا بحبك أوي ومن أول لحظه شوفتك فيها وقلبي دق بحبك

قالت.. وأنا كمان يا خالد بحبك من زمان اووي من قبل ماتعرفني أو تشوفني من زمااااان

وتبادلنا أنا وهيا أحاديث الغرام والعشق

…لكن يا خالد هاتفضل تحبني مهما حصل وفي أي ظروف

قلت..عندك شك

قالت..يمكن تعرف حاجه وتغير رأيك

….لااا مستحيل

…..مهما كانت الحاجه دي

…..جربي

….طيب اناااااا

….انتي ايييه

….هااا لا مافيش تعالا روحني يالااا

….حااضر يا رووحي

المره دي حصل حاجه غريبه بعد ما وصلتها لحد القصر

لقيت شاب وقفلي بعربيه

وقال..تعالا يا استاذ اركب اوصلك

وركبت معاه فعلاً

ودار حديث بينا

قال.. إنت إيه إلى جابك هنا يا أستاذ المكان المقطوع دا

…..كنت بوصل واحده زميلتي ساكنه في القصر إلى هناك دااا

….نعم يا استاذ قصر ايييه؟!!!

…شاورت ناحية القصر وقلت إلى هناااك

قال… إنت شارب حاجه

….نعم ليييه بتقول كداا

قصر ايه دا مهجور ومهدم ومافيهوش حد

.ضحكت وقلت يبقا إنت إلى شارب حاجه

قال..على الطلاق

إنت إلي شارب حاجه بقلك دا بيت مهجور ومهدم ولو مش مصدقني تعالا بالنهار وشوف دا حتى الناس بيقولوا عليه مسكون

المهم لحد ما طلعني وهو بياكدلي ويحلفلي ميت ألف يمين إن المكان دا مهجور ومافيهوش حد

نزلت وروحت وأول ما حطيت دماغي على المخده بدأت تودي وتجيب في كلام الراجل

وفي إلى بيحصلي من سنين واحساسي دايما إن حد بيراقبني بإستمرار واحلامي إلى بشوفها دايما وفيها بنت بس مش متضحة المعالم كل دا اتجمع في عقلي دلوقتي لكن قلت لنفسي أنا بفكر في إيه كل حاجه طبيعيه إحساس إن حد بيراقبني والخيالات إلى بشوفها دا جبن مني وبيحصل مع ناس كتير

والأحلام إلى بشوف فيها بنت بتحاول تكلمني دا عادي بردوو

وأرجع وأقول المكان فعلاً مريب اووي ومقطوع فعلاً

أنا هاتعب نفسي ليه ما أروح بكرا بالنهار بأي حجه وأشوف هل فعلاً كلام الراجل دا صحيح

وبعد تفكير كتير قطع نومي وخلاني صاحي طول الليل متلهف لطلوع النهار

قمت ورحت للمنطقه علشان اتصدم صدمة عمري

أول ما وصلت لمكان القصر لقيت فعلاً بيت مهترئ وقديم ومالوش سقف وغرفه قديمه اووي وقفت قدامه مصدوم ومفزوع ازااااي ددنا كل ليله بوصلها والقصر كبير ومضيء

ازااااي!!!

قربت بخوف شديد وسط دهشه واستغراب

ودخلت جوه البيت بتنقل في غرفه المهدمه كان ريحته كمان بشعه

وفجأة..

سمعت صوووت

ساندرا واقفه ورايا وبتقول بتدوور عليا

كان قلبي هايقف من طلوعها المفاجيء

اتكلمت بصعوبه من الخضه والفزع.. إنتي طلعتي منين وفين القصر وسألت أسأله كتير جدا

قالت..دا إلى كنت عاوزه اقللك عليه من زمان

….تقولي عن ايه إيه إلى بيحصل داا

وفجأة ..

لقيت نفسي أنا وهيا محاوطين من كائنات غريبه اووووي شكلها مرررعب حسيت إني اتشليت تماماً عن الحركه من مدي رعبي لما شوفتهم

لكن ايييه دووول؟!!!!

عرفت إن إلى كان واقف قدامهم وهما خلفه أبو ساندرا لما قالت له بلاش تإذيه يابابا أنا هاجيبه معايا هاقنعه

قلتلك بلاش تحبي من بني البشر ودار بينهم حديث

وقربوا مني استخبيت وراها وبعدها فقدت الوعي تماماً

فوقت على صوت ساندرا بتنادي إسمي

قمت لقيت نفسي ملقي أمامها على الأرض فتحت عيني بالعافيه لكن للحظه نسيت كل إلى حصل

وبالتدريج بدأت افتكررر

قلت بخوووف

…إيه إلى بيحصل داا ومين دول

….علشان تقولي..دوول أهلي

……قلت.اييه بتقولي اييه أهلك إزاي وعاوزين مني ايييه دول مش بني آدميين إنتي ميين

…..قالت.. أنا ياخالد جنيه مش انسيه

أنا فضلت ساعه علشان استوعب إلى بتقوله وإلى بيحصلي

وبعدين دار حديث بينا طويل أوي وجدال في إنها جنيه وبتحبني من زمان ولازم اتجوزها لأنها بتحبني وعلشان يتم كدا لازم اروح لعالمها

رفضت بشده

….أنتى أكيد مجنونه نتجوز إزاي

….إنت مش بتحبني

….أنا حبيت ساندرا

….أنا وساندرا وااحد

…لااا مش واااحد إنتي مخادعه وكذابه إنتي صوره وبسس

…لكن أنا بحبك ولازم تيجي معايا العالم بتاعي ونتجوز وإلا هاتح.رق عندنا القانون إن لو جنيه حبت بشري لازم يجي عالمنا ونتجوز لكن لازم برضاااه مش غصب عنه

ولو ما قدرتش تجيبه مصيرها يكون الح.رق

ترضى المصير دا ليا؟!!

…..وأنا ذنبي اييه أروح لعالمكم مستحيييل

…….ذنبك إني حبيتك

وبعد نقاش طويل ومحاولات منها لاقناعي

قالت..يبقا هاتفتح على نفسك أبواب جهنم وهاتشوف العذاب مني لحد ماتوافق

أنا في البدايه افتكرت أنها بتقول كدا لاثنائي عن قراري

…ازاااي اتجوز جنيه أو أروح لعالمهم ازاااي!!!

لكن بعد كدا بدأت تتغير كليا وشوفت فعلاً عذاب شدييد واتحولت حياتي لجحيم بقيت هيكل عظمي فقدت الرغبه تماماً في الحياه لكن أنا رافض بشده بالرغم من عذابي ومعاناتي طلبها

ودى حكايتي إلى بعاني منها لحد النهارده مش عارف أعمل إيه أنا فعلاً حبيتها وتمنيت إني اتجوزها لكن حبيت صوره وراها كائن مخيف ماكنتش أعرفه ومن عالم آخر ودا بقا الواقع إلى مش قادر أسلم ليه

أنا كلمت حسن الشرقاوي لما لقيته كاتب مبدع اووووي تاااابعووووه اعملولووا متابعه بجد كاتب تحفه

المهم بعتله وقلته اكتب حكايتي يا أبو علي وشووفلي حل أصل الجنيه

أهي جت على السيره قعدالي وأنا ببعتلك شوفلي أو شوفولي حللل

أنا شوفت حل يا عم خالد ..التعويذه دي فيها خلاصك

أنا ساندرا بنت ملك الجان برهوش إبن مرهتوش سأنتقل عبر الرياح إلى كل قاريء مرووش سأجعلك ملبوس ملبوس..