اللي يضيع طبيعي يستقبل دي معروفه من زمان
عاوز أقولك إن اللاعيبه عملت شوط أول عالمي مكنتش متخيله بصراحه
و كولر أجاد في إدارة الماتش في المجمل لكن أخطاؤه + ضربه الجزاء الحرام اللي فتحت الماتش و واضحه لعين الأعمي واضح مارسيلو بعد مساب الريال لسه بيمثل برضوا وبارع في التمثيل
ضربه جزاء فضيحه من فضايح الزمن ودي اللي غيرت مسار الماتش و دا بيثير شكوك حولين الڤار و الحكم
وفي أقاويل بتقول إن شوال الرز عملهم زياره في فندق الأقامه
وضربة الجزاء دي بتثبت الأقاويل دي 
لكـن في أخطاء .. آه في أخطاء زي مفي إشاده وقت مبتبقي حلو
وجب عليا أقولك إن في أخطاء و لازم نقف ع الأخطاء علشان متتكررش تاني
من أول الماتش و أنا عارف إني مش هحس بيـه ليه بقا
لإن اللاعب من نوعيه أكرم لو حطيته في مكان بيحفظه و ينسي اللي فات فـ مش بعد م أكرم لعب جناح سنتين أجي و بكل سذاجه أحطه في نص الملعب لا و مركز ٨ و في ماتش زي دا و أنا عندي كوكا و ديانج بره هتقولي كوكا مصاب م الماتش اللي فات هقولك ديانج بره
قولتلك قبل الماتش إن الماتش هتحسمه في معركة الوسط
إمام البدني بتاعه بدأ يقع أغيره أو أنزل قفشه يسند معاه
تاريخ كنا ممكن نسطره لكن القدر والنصيب و جزء من هدوء كولر و دماغه اللي حسيتها عطلت للحظات في النص التاني من الشوط التاني … وزي مقولتلك قبل كدا أعطي للراجل كل المقومات اللي يطلبها وبعد كل دا نتحاسب … لكن الحساب ميبقاش بالقطعه
لسه البطوله مخلصتش و لسه في مركز تالت لازم تشتغل عليه علشان تعرف ترجع مصر و راسك مرفوعه