بيراميدز يعرض 72 مليون جنيه راتب سنوي لكابتن سيد عبد الحفيظ

هما يتمنو ضافر كابتن سيد، لإنهم عارفين قيمته وازاي بيقدر يسيطر ع أوضة اللبس، وهما عارفين إن ده شئ عمر ما حد هيعرف يعمله غيره

وتخيل معايا لما هما عارضين الرقم ده ف ايه حجم الصلاحيات اللي ممكن ياخدها

بس نسيو إن حتى لو كابتن سيد وافق ف المنظومة أصلا هشه وضعيفة من فوق، وإن الكابتن سيد صعب يحقق نتائج ف منظومة زي دي، منظومة بتعتمد كل اعتمادها ع الفلوس فقط، وده راجل طول عمره مع الإنتماء

ومين ينسى لما قال ف 2019 اللي يشتري الأهلي عمرنا ما هنسيبه، بس هما مش هيفهمه الكلام ده، هما فاكرين دي شعارات وهمية، ومفكرين إن الكل زي رمضان وفتحي وعبدالله واكرامي

كابتن سيد طبعا رفض، رغم خروجه بشكل لايليق بيه من النادي ورغم العرض المغري اللي محدش يقدر يلومه لو وافق عليه، بس هو رفض

رفض لإنه كان بيشتغل بإنتمائه، يعني كان انتمائه بيحركه إنه يبذل أقصى ما عنده ف سبيل إنه يدافع عن نادي عمره، علشان رغم اللي استغنى عنه ف هو عارف إن المنظومة نفسها كانت مساعداه ومش هيلاقي مهما حصل زي منظومة الأهلي

وارد نشوفه ف المنتخب وإن كنت متأكد إنه مش هيعرف يتعامل مع المسؤولين دول لإنهم مش شبهه، أو ف نادي زي فيوتشر مثلا وإن كان صعب، والأقرب هيستمر ف قنوات أبو ظبي لحد ما يرجع إن شاء الله