تهرب الدكتور الهلالي الشربيني، وزير التربية والتعليم والتعليم الفني، من الرد على سؤال حول الأخطاء الإملائية في بعض التدوينات في صفحته على “فيس بوك”، وما إذا كانت الصفحة تخصه أم لا، واكتفى الوزير في مداخلة مع الإعلامي رامي رضوان، المذيع بقناة “تن” الفضائية، “ماشفتش ولما أشوف هبقى أرد”.
وانفعل الوزير على رامي رضوان قائلاً: “من فضلك لما أشوفه وحضرتك لما هتسألني هرد عليك، وكل اللي بتسألني فيه هرد عليك، إحنا جايين علشان نشتغل بس”.
وقال رضوان للوزير: “النهاردة الناس على المواقع الاجتماعية شيروا بوستات ليك فيها أخطاء إملائية”، فقاطعه الشربيني قائلا: “لا إله إلا الله، يا أخي الفاضل ناس كتير اتصلوا بيا وكلموني، وأنا بشتغل من ساعة ما دخلت الوزارة، وأقسملك بالله ولا فتحت فيس بوك، ومعرفش بتتكلم على إيه”.
وأضاف: “يا سيدي أنا صادق في اللي بقوله، وبالفعل مشفتش حاجة من اللي بيتقال عني، من فضلك لما أشوفه الأول هبقى أرد”.
