الجملة دي ممكن تقولها لو أنت اللي اخترعت المجال، ابن صاحب المجال، اكتشفته بالصدفة وكنت أول واحد يدخله مصر، خبرتك تفوق العشرين سنة وأكتر، مأسس عدة شركات ناجحة فيه، دربت الآف الأشخاص تدريب متقدم، المجال مقتصر على أشخاص معينين وأنت المسؤول عن قبول دخولهم أو لأ، وغيرها من الأسباب اللي ( ممكن) تخلي تلفظك بالجملة دي منطقي إلى حدٍ ما!
بس لو أنت مش حاجة من اللي فوق فحقك الوحيد إنك تتعلم وتجرب وتغلط وتتعلم وتجرب وتغلط وبس.
أي مجال أو عملية تعلم عمرها ما بتقتصر على شخص أو أشخاص. وأفعال زي التريقة والتقليل من شغل الناس، الانتقاد غير البناء، محاولة إظهار العلم أو الخبرة إما بتنفر أو بتحبط ناس إنها متكملش أو يكملوا ويكبروا ويقولوا أول جملة.
