العنكوبت انغوليانت ( ام عناكب اردا) … Rings of power : خواتم السلطة

انغوليانت من #الميار الغير معروفين وتعتبر من اوائل الكائنات اللى حرفها مورغوث لخدمته ؛ بتبدأ قصتها لما مورغوث عمل فتنه بين النولدور وهرب للجنوب لغايه محدش يعرفها الا مورغوث نفسه وهناك اتعرف على انغوليانت وطلب منها مساعدته علشان ينتقم من الفالار وبعد ما مورغوث شرح اهدافه لأنغوليانت كانت متردده ومورغوث قالها انها تسمع كلامه وهيحقق لها كل اللى نفسها فيه وهنا احتارت انغوليانت فى انها تتبع شهوتها للضوء وبين خوفها من الخطر ومن القوه المرعبه لسادات امان .

وبعد تفكير عميق رفضت خدمه مورغوث وقررت انها تكون سيده نفسها وعاشت علشان هدف واحد بس وهو اشباع جوعها وفى النهايه خضعت لسيدها مورغوث لأن وعدها انه بعد ما يخلصوا مهمتهم هيحققلها كل رغباتها فى النهايه كانت المغريات اكتر من اللازم وقررت انها تتبع سيدها مورغوث .

ابتدت مهمتهم بالذهاب الى حقول فالينور وبدأوا بأطفاء نور الشجرتين فاطلق مورغوث سهم تجاه كل شجره فسالت عصارتهم وهنا انغوليانت شربت عصاره الشجرتين وبثت فيهم سم الموت حتى انطفأ نورهم وعم الظلام حقول فالينور كل ده وكانت لسه جعانه فراحت ل آبار #فاردا وفضلت تشرب منهم لحد ما خلصوا وكل ما تشرب يطلع منها ابخره سوداء وحجمها يزيد .

وبعدها الفالار كون جيش قوى بقياده تولكاس واورومى علشان يطاردوا مورغوث وانغوليانت ولكن بسبب الشباك السوداء اللي كانت نسجتها فى طريقهم اتفرق اورومى وتولكاس وتولكاس اتعلق بشباكها وفضل يقاوم الشباك حتى تعب وخارت قواه .

وهنا ذهب مورغوث وانغوليانت للشمال وراحوا ل فورمينوس وراح مورغوث ل بيت فيانور وسرق كنز من منزله وفورمينوس كانت قريبه من اطلال انغباند ومورغوث بعد ما انجز مهمته كانت عايز يتخلص بأى شكل من انغوليانت وهنا انغوليانت شكت فى مورغوث وفهمت هو جبها هنا ليه فمسكته وطلبت منه الكنز زى ما وعدها لأنها لسه جعانه وهنا مورغوث قالها انا مقدرش اديكى العالم كله تأكليه وعلشان مورغوث كان فى موقف لا يحسد عليه اضطر يديها الجواهر تأكلها ولأول مره مورغوث يتنازل قدام حد غير الفالار ولكن احتفظ لنفسه بصندوق صغير وفيه جواهر السيماريلز وهنا انغوليانت حجمها زاد جدآ لدرجه ان مورغوث بدأ يخاف منها

وبعدها طلبت منه جواهر السيماريلز ف مورغوث رفض وقال لها انها انجزت مهمتها على اكمل وجه وانه خلاص مبقاش محتاج ليها وقبض علي ايده لدرجه ان الجواهر حرقت ايده .