رسمياً أحمد حمدي لاعب الأهلي السابق وأحد أبرز المواهب الذي توقع لها كل خبراء كرة القدم الأنفجار وبشدة وانة قادر ع أن يصبح من نجوم الصف الأول ف الوسط الرياضي أحمد دلوقت عنده 25 سنه يعني ف عز اوقات تألقة أحمد أمبارح فريق مونتريال الكندي وجة لية الشكر وأحمد بقا قاعد ف البيت بدون نادي أحمد لو فاكرين طريقة رحيلة من الأهلي هتعرفوا لية هو وصل لكدة وفية زي أحمد كتير مواهب كانت تستحق انها تكون ف مكانة افضل واصبحت ف طي النسيان زي صالح جمعة وابراهيم سعيد وعمرو وردة حتي رمضان صبحي انطفي وبعد عن المنتخب وأصبح ف طي النسيان أيضا نتيجة قرار واحد خده غلط وغيرهم كتير

الخلاصة الموهبة لوحدها مش كفاية الموهبة من غير عقلية محترفة تعرف تخطط صح لمستقبلها ولا حاجة الناس دي ممكن تكون اعلي من محمد صلاح ف الموهبة ولكن صلاح بعقليتة المحترفة وبأجتهادة الشديد وبقربة من ربنا ف كل حياتة شوف صلاح فين والناس دي فين الخلاصة والنصيحة لكل اللاعيبة الصغيرة مش كفاية انك تكون موهوب علشان توصل لازم يكون عندك العقلية والنفسية السوية والسليمة حتي لو كنت بتلعب ف ليفل عالي ف مرحلة الناشئين ف لاعيبة لعبت ف الاهلي والزمالك وبيراميدز وكمان مثلت منتخب مصر ف المراحل العمرية ولما وصلت لمرحلة الدرجة الاولي بقو يلعبوا ف فرق درجة تالتة ورابعة وف منهم اللي بطل كورة خالص ف لحد ما يتعملك اول عقد أحترافي كلاعب كورة انتا لسة محققتش اي حاجة ف الكورة