الصحة و العلاج

نوبات الغضب

نوبات الغضب او نوبات الصراخ هي حالة نفسية بيعبر عنها الانسان بانفجار شعوري وممكن تتحول من الحالة الارادية اللي هي مرحلة ادراك الشخص انه غضبان للحالة اللاارادية وعدم ادراك الشخص لغضبه،وممكن توصل نوبة الغضب للعنف وانها تكون خطر علي الخص المصاب بها او اللي حواليه

ازاي نسيطر علي نوبات الغضب وازاي نتعامل معاها

لو طفلي مصاب بنوبة غضب ايه التصرف الصحيح اللي اقوم بيه

الطرق الصحيحة للتنفيس عن الغضب

ازاي نسيطر علي نوبات الغضب وازاي نتعامل معاها:

ممكن اي حد فينا يتعرض لنوبة غضب بسبب موقف معين لكن ممكن نتغلب عليها عن طريق بعض النصايح واهمها

  • التنفس والعد : لما بنحس بغضب مستوي الادرينالين بيرتفع ف الجسم ومعدل التنفس بيزيد،علشاان كدة لو اتنفسنا ببطء هنساعد جسمنا وانفاعلاتنا انها تكون هادية وهنستعيد التوازن
  • تهدئة النفس : افضل طريقة نتصرف بيها لما نتعرض لنوبة غضب اننا نبعد عن الموقف اللي سببلنا الغضب ونحاول اننا نتحكم في مشاعرنا قبل اتخاذ اي تصرف
  • التعبير عن المشاعر: اننا نعبر عن مشاعرنا السلبية بطريقة هادئة وواضحة افضل من اننا نعبر عنها بغضب وده علشان الشخص بيكون قادر انه يوصل وجهة نظرة بطريقة لائقة وغير مهينة للاطرف الاخري
  • التفكير بايجابية: نبعد نفسنا عن اي مصدر ممكن يخلي غضبنا يزيد وعن اي شئ ممكن يزود الافكار السلبية ونحاول نركز علي الافكار الايجابية

لو طفلي مصاب بنوبة غضب ايه التصرف الصحيح اللي اقوم بيه

نوبات الغضب شكل من اشكال المشاكل السلوكية الشائعة بين الاطفال وبتظهر غالبا لما الطفل بيواجه موجة مفاجئة من الاحباط وغالبا السيطره عليه بتكون صعبة وعشان نقدر نسير عليها هنقوم ببعض الخطوات لبسيطة منها:

  • محاولة فهم اسباب سلوكه الغاضب ونوبات غضبه واحتوائها حتي لو كانت صغيرة بالسبه لينا ولكنها منطقية بالنسبه له
  • التحلي بالصبر وعدم مواجهة غضبهم بغضب من ناحيتنا لان ده هيزود شعور الغضب عندهم
  • اختيار الوقت المناسب للكلام مع الطفل وعدم الكلام في ذروة الغضب والافضل ان نلجا للصمت حتي تمام هدوءه وبعدها عرض المشكله واسبابها وعرض حلول لها

الطرق الصحيحة للتنفيس عن الغضب

بيتصنف الغضب انه من العادات السيئة اللي بتخلي الشخص يتصرف تصرفات خارجة عن ارادته لو كان مبيقدرش يتحكم ف غضبه وينفس عنه بشكل سليم،بس الصح اننا مينفعش نصنف المشاعر علي انها سيئة او جيدة لانها بتكون مشاعر وليدة الموقف وممكن يكون ليها أسباب منطقية بالنسبة للشخص ومن الأفضل اننا منتجنبهاش او نكبتها ولكن علينا اننا نتعامل معاها بشكل سليم والأفضل  ان يتبع النصائح الجاية

  • التعبير: وهو التعبير عن الغضب والافصاح عنه سواء بطريقة منطقيه عقلانية او بطريقة حازمة خالية من العنف
  • الهدوء وهي الطريقة الأنسب في التعامل مع الغضب وهي ان الشخص يتحكم في ردات افعالة الخارجبة ومشاعرة الداخلية

 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى