مما قرأت و اعجبنى
من مذكرات ” آل باتشينو ” … تذكر أنك تناقش يهـوديا .. The Merchant of Venice
واحدة من أجمل الجمل الـ قرأتها في حياتي “كلٌ يراك بعين طبعه وبقدر محبتك في قلبه”.
فا انت هتلاقي في حياتك الـ بيشوفك أطيب الناس، وهتلاقي الـ بيشوفك أسوأهم.
هتقابل ناس بتنسالك خمسين موقف حلو علشان بس قصرت مرة، وناس بتدور لك على أعذار وبيظهرولك قد ايه انت جميل!
هتقابل ناس ما بتبطلش تنتقدك، وناس هيخلصوا كل الكلام الجميل فـ وصفك.
هتقابل ناس بتكرهك بدون سبب، وناس بتخترع أسباب تحببها فيك!
وفي النهاية أنت نفس الشخص،
ولكن كل عين تراك على قدر محبتها لك
وكلٌ يراك من الزاوية التي تقف فيها من قلبه
السكر
توقعات ونيس حصلت
– حاولي تستوعبي اللي أنا بقوله ، حاولي تكوني على مستوى المسؤولية ، فاهميني .. البيت بياخُد مصاريف الشهر ٨٠٠ جنيه ؟
= تقريبًا
– مفيش حاجة إسمها تقريبًا إحنا كل قرش بنعرق ونشقى فيه وبيتهدر مش هنعرف نعوضه وهنندم حيث لا ينفع الندم
= إيه ده في إيه ؟! قصدك إيه أنا مش فاهمة ؟!
– جاوبيني بصراحة ، كيلو السكر فيه كام معلقة ؟
= يا سلاااام ! معرفش طبعًا أنا هقف إعدُه ؟!!
– أنا عديته يا هانم .. ١٨٣ معلقة
= هاااااه ، إنتَّ لما كنت واقف في المطبخ طول النهار كنت بتعد كيلو السكر فيه كام معلقة يا ونيـــس ؟!!
– ونيس بتاع زمان خلاص أنتهى ، إنتي خربـ ـتي بيتي يا مايسة ، ١٨٣ معلقة سكر وإحنا ٦ بناخُد كل يوم ٦ كوبايات شاي
= لأ ساعات أكتر ، مش ساعات بيجلنا ضيوف !
– ده عهد أنتهى يا مايسة خلاص ، كل واحد من هنا ورايح مصروفله معلقة سكر في اليوم وإحنا ٦ يبقى ٦ معالق في اليوم في الشهر بـ ١٨٠ معلقة شاي ، فاهم هتقوليلي ١٨٣ هيتفضل ٣ معالق نبقى نعمل بيهم أي حاجة حلوة
= لالالا ده إنتَّ أكيد إتجنـ ـنت !
– قصدك فوقت ، فوقت من النهيبة اللي إنتوا عايشين فيها
= نهيبة ؟! أنا بسرقـ ـك يا ونيس ؟!!
– أنا مقولتش كده ، بس الإيدين السايبة تعلم السرقـ ـة
= لالالا ، لا يا أستاذ خلاص من الشهر ده انت اللي هتمسك مصروف البيت
– لا يا هانم إنتي لازم تساعديني ، العالم يا مايسة مُقبل على أيام سـ ـودة ، مُقبل على مجاعـ ـة ، لا إسراف في أي شيء ، لا إسراف في الطعام ، لا إسراف في الماء ، لا إسراف في الغاز ، لا إسراف في الملابس ، القرارات دي هتتنفذ علينا وعلى ولادنا .. التلفزيون يتفتح في اليوم نُص ساعة بس عشان إستهلاك الكهربا
= طب ما كمان بالمرة نشيل جرس الباب عشان برضو تي تي تي دي بتستهلك كهربا !
– صح بدأتي تفهميني يا مايسة ، تي تي تي دي بتستهلك كهربا يخبطوا على الباب أفضل والمذاكرة تبقى بنهار عشان هقطع عليكم النور من الساعة ٨ بليل
= والصابون ، صابونة المواعين تبقى هي صابونة الأرض وتبقى صابونة الوش !
– هي صابونة الحموم انتي عايزة تعملي سيستم بحاله بقى عشان نبقى ماشيين مظبوط ، ومفيش دروس خصوصية
= طب ما بلاش مدارس بقى خالص عشان برضو المصاريف ، مصروفات وكُتب وأقلام وكده !
– لأ يا مايسة العِلم محتاج إسراف بس كل عيل كل المواد بتاعته تبقى في كشكول واحد وقلم رصاص واحد ، البراية تبقى معايا اللي عايز يبري يجيلي أنا إبريله مش يقعد القلم شهرين ترترترتر يخلص في شهرين لأ ، ممكن أعتمد عليكي تخلي الأستيكة معاكي يجي يبري عندي ويمسح بالأستيكة ويأستك عندك .. بس براحة عشان ماتخلصش بسرعة
= طب والأكل ؟ النظام ده برضو هيطبق على الأكل ؟!
– مايسة أنا كنت مُعتقد إنك فاهمة المسألة كلها ، الأكل هيبقى جبنة وزتون .. الجبنة القريش مُغذية جدًا
= بس كده يبقى إسراف الاتنين في اليوم ؟! ما نخلي يوم جبنة ويوم زتون !
– معنديش مانع بس أنا كنت عامل برنامج عشان مشعرش الأولاد بالملل ، يبقى يوم زتون إسود ويوم زتون أخضر إنما مفيش مانع
= مفيش لحمة خالص ، ميبقاش فيه لحمة ؟!!
– معقول يا مايسة ! يعني وصلت المسألة للجلدة في الحكاية ديَّا ، لأ طبعًا في لحمة كل أسبوع .. مرة واحدة نُص كيلو يتقطع ست حِتت
= طب خليه رُبع عشان مش هاكُل ، أنا مش عايزة !
– بجد ؟! ماشي أوكيه يبقى رُبع كيلو لحمة ، عايزين نوفر عايزين نحوش ، يا مايسة لازم نُربط الأحزمة وليه أحزمة ؟! ما كفاية حزام واحد
“يوميات ونيس ج٤ – ١٩٩٧”
إياك و كبار السن !!
قد يرقدون ولا ينامون ، وقد يأكلون ولا يهضمون ، وقد يضحكون ، ولا يفرحون ، وقد يوارون دمعتهم تحت بسمتهم .
¤ كبار السن :
يؤلمهم بُعدُك عنهم ، وانصرافُك من جوارهم ، واشتغالُك في حضرتهم .
¤ كبار السن :
لم يعودوا محور البيوت وبؤرة العائلة كما كانوا قبل فانتبه ولا تكن من الحمقى فتشقى !!
¤ كبار السن : قريبون من الله دعاؤهم أقرب للقبول …
¤ كبار السن :
قلوبهم جريحة ونفوسهم مطوية على الكثير من الأحزان .
¤ كبار السن :
الكلمة التي كانت لا تريحهم حال قوتهم الآن تجرحُهم والتي كانت تجرحهم الآن تذبحُهم !!
¤ كبار السن :
لديهم اوقات فراغ يحتاجون من يسمع لحديثهم ، ويأنس لكلامهم ، ويبدو سعيداً بوجودهم .
¤ كبار السن :
غادر بهم القطار محطة اللذة ، وصاروا في صالة انتظار الرحيل …
¤ كبار السن :
يحتاجون إلى بسمةٍ في وجوههم ، وكلمةٍ جميلة تطرق آذانهم ، ويداً حانية تمتد لأفواههم .
¤ كبار السن :
هم الأب ، والأم ، والجد ، والجدة ، وسواهم من ذوي القرابات .
♡ أجعلهم يعيشون أياماً سعيدة ، ولياليَ مشرقة ويختمون كتاب حياتهم بصفحات ماتعة من البر والسعادة حتى إذا خلا منهم المكان لاتصبح من النادمين .
♡ كن العِوضَ عما فقدوا ، وكن الربيعَ في خريف عمرهم وكن العُكّازَ فيما تبقى .
♡ سلامٌ على كبارِ السن … ♡ وسلامٌ على من يراعون كبارَ السن … “
¤ هم كبار السن الآن ، وسيذهبون وعما قليل ستكون أنت هذا الكبيرَ المسنَّ … المقبل .. فأحذر
وانظر ما أنت صانع وما أنت زارع ..!
اخبار السينما و الفن18 ساعة ago
فيلم “شمس الزناتي” لـ محمد امام
أخبار20 ساعة ago
“الذكري الـ75 لاعتماد الاعلان العالمي لحقوق الانسان”
اخبار السينما و الفن22 ساعة ago
“تجاوزت إيرادات فيلم شماريخ حاجز المليون جنيه خلال 3 أيام من عرضه في دور السينما.”
راديو مصر علي الهواأسبوعين agoريهام مصطفى
مجلة الصور4 أشهر agoما هي لوحه “الحقيقة العارية” . . أو “الحقيقة تخرج من البئر”
البوابة الأخبارية5 أشهر agoابرز تصريحات مارسيل كولر بعد الفوز الكبير علي نادي المقاولون العرب
راديو مصر علي الهوا12 شهر agoاحمد ميلانو
اخبار السينما و الفنشهر واحد agoأثار إعلان فيلم Tiger 3،ضجة كبيرة بسبب مشهد معركة المناشف بين كاترينا كايف و ميشيل لي في الحمام التركي
البوابة الأخبارية7 أشهر ago7 طرق للحصول على بشرة حيوية وصحية لتجنب ضربات الشمس
قصص و روايات3 أشهر agoسبب الصراع بين سيد الظلام وصانع الخاتم الأوحد ساورون مع الجان والأقزام والبشر
البوابة الأخبارية5 أشهر agoهل شاهدت هذة الصورة مساء اليوم تعرف علي الحقيقة
