ابحث في الموقع

اخبار السينما و الفنالبوابة الأخبارية

“ده حب ولا” رابع أغاني بهاء سلطان بعد صلحه مع نصر محروس

ابحث في الموقع

طرح المنتج نصر محروس أغنية جديدة للفنان بهاء سلطان تحمل اسم “ده حب ولا” وهي رابع أغاني ألبومه الجديد “سيجارة”.

“ده حب ولا” من كلمات نصر محروس وألحان عزيز الشافعي وتوزيع موسيقي جيزو وميكس وماستر هاني محروس.

وتقول كلمات الأغنية:
ده حب ولا تقل ولا دلع ده ولا إيه
يا حبيبي أؤمر تحت أمرك قوللي أعملك إيه
على عيني زعلك
ده أنا جاي أصالحك
أنا جاي أقولك على قلبي وع اللي فيه
ومعاك الوقت هوا بيعدي هوا
ويا دوب مالحقتش أقول
بهواك يا حبيبي أنا ويا عمري أنا
على فكرة أنا بيك مشغول
أنا إيه يبعدني عنك
اللي يبعدني إيه
أنا إيه ياخدني منك
وليه ياخدني ليه
يا حبيبي يا كل عمري
أنا ليك سلمت قلبي
أرجوك حافظ عليه

يذكر أن نصر محروس أعلن تصالحه مع بهاء سلطان رسميا، وذلك خلال استضافتهما في برنامج “صاحبة السعادة”، الذي تقدمة الفنانة والإعلامية إسعاد يونس عبر قناة dmc.

وأكد نصر محروس معزة بهاء سلطان عنده قائلا: “حبيبي وروح قلبي وصاحبي وعشرة سنين، كل ده كان لازم نقف عنده، ونقول إن مفيش حاجة بينا، وإن الحب أقوى من أي مشاكل ممكن تبقى موجودة وأقوى من أي ماديات وتعاقدات.”

وأضاف: “إنت كمشروع خرجت من تحت الإيدين دي، فتفضل الإيدين دي خدامة ليك طول العمر، وعمرها ما تكون ضدك. أنا بعمل كل حاجة بجد من قلبي لأخويا وبيت أخويا، لو بسامح في فلوس، في ألبوم جاي أو مفيش، أنا في الآخر وقفت قدام العشرة.”

وقال بهاء سلطان: “كفاية إن حضرتك بتحكم العشرة والود اللي بينا. الشغل بيحصل فيه مشاكل في كل حتة مش مع حضرتك بس، وإنت فعلا ليك معزة في قلبي والحمد الله إن ربنا وصل لك الإحساس ده.”

وقرأ نصر محروس إبراء الذمة الخاص ببهاء سلطان ونصه: “أنا نصر محروس عبد المسيح، أبرئ ذمة الفنان بهاء سلطان من أي التزام، بسداد المبالغ المستحقة عليه والمتعلقة بالنسبة المتفق عليها من أجره عن اللايف. وأبرئ ذمته كذلك من استكمال تنفيذ العقود المحررة معه، ويصبح من حقه التعاقد مع أي شركة أخرى دون اعتراض مني على ذلك. علما بأن الدافع الوحيد وراء ذلك هو فقط المحبة والتسامح. مع تمنياتي الطيبة له بالنجاح والتوفيق واستعدادي الدائم لمعونته فنيا وإنسانيا.”

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى