تصريحات هنا الزاهد عن “حلوة الدنيا سكر”

في أولى بطولاتها التليفزيونية أطلت الفنانة هنا الزاهد على جمهورها بـ8 شخصيات ضمن حكايات مسلسلها “حلوة الدنيا سكر”.

ومع انتهاء عرض المسلسل، كشفت هنا أنها بهذا العمل حققت حلم كانت تتمناه.

ونشرت هنا صورة مجمعة لبوسترات كل الحكايات التي قدمتها، وكتبت: “ده كان حلم بنسبالي، أني أعمل مسلسل في كم الاحساس والشخصيات والحواديت دي”.

وأضافت: “تجربة كانت صعبة أوي وفي نفس الوقت ممتعة، كل حدوتة كنا عايزين نوصل رسالة للناس في آخرها مش مجرد حواديت وشخصيات مختلفة. وأهم من ده كله أن مسلسل يكون مناسب لكل أفراد العيلة”.

ومسلسل “حلوة الدنيا سكر” تدور أحداثه فى 40 حلقة ويعتمد على الحكايات المنفصلة المتصلة، كل حكاية من 5 حلقات، ويضم العمل حكايات “سحر وشعوذة” و”ساندى كراش” ويشارك في بطولتهما محمد كيلانى، وحكاية “9 خطوات لقلب الرجل” ويقدم البطولة فيها أمام هنا الزاهد محمد الشرنوبى، وحكاية “الجريمة لا تفيد” ويقوم بدور البطولة فيها محمود عبد المغنى، وحكاية “المتخصصة” ويشارك في بطولتها أحمد سلطان.