لو بتفكر تدخل الفيلم دا سينما او حتى تستنى انه ينزل بجودة HD فأنت هتندم على القرار دا.
الفيلم سئ سئ جداً أقسم بالله ومش بنفس الحماس والتشويق والإثارة اللى كانه في الجزء الأول حقيقي هتندم على الوقت اللى هتضيعه فيه فبلاش تضيع فلوسك في تفاهة زي كدا
الجديد في الفيلم ان فيه 3 اسماك ميجالدون لكن وجودهم زي عدمهم وظهورهم مُقتصر على كام مشهد بس واللى يستفزك بالفيلم ان الميجالدون اللى هي اعظم وأشرس سمك قرش على مر التاريخ مش قادرين على جيسون ستاثام شئ في منتهى العبث.
بالنسبة للجرافيكس فهو تعبان جداً والقرش مشوه وجلده مقشر
الفيلم كله سلبيات بسم الله ما شاءالله يعني دا غير إن الفيلم كان تركيزه على الخندق اللى مش معروف ليه العصابة بتهاجم طاقم جيسون ستاثام عشانه
ولما الفيلم قارب على الإنتهاء المخرج قال ايه احاول اعمل حركة تخلي الناس تنبهر وهي إنهم يضيفه اخطبوط عملاق ومكان نلم فيه ناس ونسميه الجزيرة الترفيهية المشهد كان شبيه للمشهد اللى في الجزء الأول لما القرش هاجم على الناس وهما في البحر
وقتك اهم من إنك تضيعه في فيلم تافه زي دا وفلوسك انت اولى بيها اعزم نفسك اعمل اي حاجه بيها لكن متضيعهاش في الفيلم وانا كنت ممكن اقدر انزل بوست مزيف وأشكر في الفيلم زي بعض الناس عملت لكن مش حابب انكم تضيعه فلوسكم فيه زي ما انا عملت